სახლში მომზადებული პასტა

1 საათი 45 წუთი

გურული-ღვეზელი.jpg

მომზადების მეთოდი:

1. დაყარეთ ფქვილი მაგიდაზე, დაამატეთ მარილი და მიეცით ვიდეოში მითითებული ფორმა.

2. გატეხეთ 2 მთლიანი კვერცხი მოზრდილი ზომის ჯამში და დაამატეთ 6 კვერცხის გული.

3. ათქვიფეთ კვერცხი და დაუმატეთ ზეითუნის ზეთი.

4. ათქვეფილი კვერცხი ჩაასხით თქვენ მიერ მომზადებულ ფქვილის „ფორმაში“.

5. ჩანგლის დახმარებით ფქვილის კედლებიდან, ნელ-ნელა ჩამოყარეთ ფქვილი და ათქვიფეთ კვერცხთან ერთად, მანამ სანამ ინგრედიენტები მთლიანად არ შეერევა ერთმანეთს.

6. ცომის მასა ზილეთ 10-15 წუთის განმავლობაში.

7. მოზელილი ცომი დაამრგვალეთ და ხელით ოდნავ დააბრტყელეთ (ისე, როგორც ვიდეოში არის ნაჩვენები).

8. ცომი მოათავსეთ საკვების შესაფუთ პარკში და შეინახეთ ოთახის ტემპერატურაზე 40-60 წუთის განმავლობაში.

9. დროის გასვლის შემდგომ, მოათავსეთ ცომი მაგიდაზე და მოაყარეთ ცოტაოდენი ფქვილი.

10. დაჭერით ცომი 8 ტოლ ნაწილად.

11. სათითაოდ გააბრტყელეთ თითოეული ნაწილი იმ სისქემდე, სანამ ცომიდან არ დაინახავთ საკუთარ თითებს.

12. გაბრტყელებული ცომი დაჭერით სასურველ ფორმებად და ჩაყარეთ ადუღებულ წყალში (შენიშვნა: ნაყიდი პასტისგან განსხვავებით, სახლში გაკეთებულ პასტას მოსახარშად სჭირდება 3-4 წუთი „ალ-დენტე“ დონემდე მისაყვანად.)

13. 3-4 წუთში გასინჯეთ პასტასტა რათა დარწმუნდეთ, რომ იგი მზადაა.

14. გადმოიღეთ პასტა თეფშზე და მიირთვით თქვენთვის სასურველ სოუსთან ერთად.
(კომენტარი: დარჩენილი ცომი შეგიძლიათ გაყინოთ რათა არ გაფუჭდეს)


გემრიელად მიირთვით!

ინგრედიენტები:

  • ხორბლის ფქვილი (270გრ.)

  • მარილი (1 მწიკვი)

  • კვერცხი (8ც.)

  • ზეითუნის ზეთი (1 სუფრის კოვზი)