ქლაბ სენდვიჩი

10-15 წუთი

გურული-ღვეზელი.jpg

მომზადების მეთოდი:

1. თხელ ფენად წაუსვით პურის ნაჭრებზე კარაქი და ოდნავ გახურებულ ტაფაზე დაბრაწეთ პური.

2. პირველ ნაჭერს წაუსვით კრემყველი.

3. დაადეთ ზემოდან ინდაურის და ქათმის შაშხი.

4. დაადეთ პურის მე-2 ნაჭერი (მე-2 სართული 😊 )

5. თხელ ფენად წაუსვით მაიონეზი.

6. ზემოდან დაადეთ მდნარი ყველის ფირფიტები, სალათის ფურცელი და პომიდორი.

7. ცალკე ტაფაზე შეწვით კვერცხი.

8. შემწვარი კვერცხი მოათავსეთ პომიდორზე და ზემოდან მოაყარეთ პილპილი (შენიშვნა: ტაფიდან კვერცხი გადმოიღეთ ფრთხილად, რათა კვერცხის გული არ გასკდეს).

9. დაადეთ პურის მე-3 ნაჭერი და თქვენს წინაშეა თქვენივე ხელით მომზადებული ყველაზე გემრიელი ქლაბ სენდვიჩი 😊


გემრიელად მიირთვით!

ინგრედიენტები:

  •  პური  3 ნაჭერი

  •  კარაქი  1 ჩაის კოვზი

  •  კრემყველი

  •  ინდაურის შაშხი  2-3 ნაჭერი (დამოკიდებულია პურის  ზომაზე)

  •  ქათმის შაშხი  2-3 ნაჭერი

  •  მაიონეზი

  •  მნდარი ყველის ფიფიტა  2-3ც.

  •  სალათის ფურცელი  2ც.

  •  პომიდორი  2 საშუალო სისქის ნაჭერი

  •  კვერცხი  1ც.

  •  პილპილი

  •  მარილი